ტურნირის ფინალურ მატჩში სს “თელასის“ ფეხბურთელებმა „ჯი არ სის“ გუნდი ანგარიშით 4:1 დაამარცხეს და 2024-2025 წლების ბიზნესის ჩემპიონთა საკვალიფიკაციო ლიგის გამარჯვებულები გახდნენ.

ფინალური შეხვედრა 15 ივნისს თბილისის ოლიმპიურ სასახლეში გაიმართა და  თელასელების აშკარა უპირატესობით მიმდინარეობდა.  „თელასის“ საფეხბურთო გუნდმა მთელი ტურნირი დაუმარცხებლად იასპარეზა. 9 მოგებული თამაშის შედეგად „თელასის“ ანგარიშზე 42 გატანილი გოლი და 5 გაშვებული ბურთია.

ასევე ტურნირის ხუთ ნომინაციაში საუკეთესოებად „თელასის“ ფეხბურთელები აღიარეს: საუკეთესო მეკარე (ლევან გაბუჩია), საუკეთესო მცველი (გიორგი სოზაშვილი), საუკეთესო საგოლე პასი (ამირან ცხომარია), საუკეთესო მოთამაშე და საუკეთესო ბომბარდირი (ლუკა გოგუაძე). 

2024-2025 წლების ბიზნესის ჩემპიონთა საკვალიფიკაციო ლიგის ტურნირი 8 დეკემბერს დაიწყო და მასში 8 გუნდი მონაწილეობდა.

ვულოცავთ ჩვენს გუნდს მორიგ გამარჯვებას! ვუსურვებთ მათ წარმატებებს და შემდგომ სპორტულ გამარჯვებებს!