ლილოს ბაზრობაზე სროლა იყო. არსებული ინფორმაციით, დაჭრილია ერთი ადამიანი. 

დაჭრილი, რომელიც სავარაუდოდ სავაჭრო ცენტრის თანამშრომელია, სასწრაფო დახმარების ბრიგადამ საავადმყოფოში გადაიყვანეს.

გასროლის ხმა ბაზრობაზე ერთი საათის წინ გაისმა. ჯერჯერობით უცნობია, თუ ვინ არის სავარაუდო დამნაშავე, პოლიციას ის ჯერჯერობით არ დაუკავებია. ასევე უცნობია, რა გახდა დაპირისპირების მიზეზი.

სამართალდამცავებმა შემთხვევის ადგილი, ავტობუსის გაჩერება ყვითელი ლენტით შემოსაზღვრეს. 

ადგილზე მობილიზებული არიან სამართალდამცველები. მომხდართან დაკავშირებით დაწყებულია გამოძიება.

პოლიცია კამერების ჩანაწერებს იკვლევს.