საქართველოს სპორტის მინისტრმა შალვა გოგოლაძემ საქართველოს მშვილდოსანთა ნაკრების წევრებს ევროპის გრან-პრიზე და ევროპის თასზე მიღწეული წარმატებები მიულოცა.

შალვა გოგოლაძემ სპორტსმენებს მომავალ ასპარეზობებში წარმატება უსურვა და მხარდაჭერა აღუთქვა.

სამინისტროს ინფორმაციით, ევროპის გრან-პრის პირველ ეტაპზე ალექსანდრე მაჭავარიანისა და მედეა გვინჩიძის წყვილმა ჩემპიონობა იზეიმა, რაც ისტორიული შედეგია.

ევროპის თასზე კი საქართველოს მშვილდოსან გოგონათა ახალგაზრდულმა ნაკრები - ანა ბოლოკაძის, ნია გათენაძისა და ელენიკა ეფრემიძის შემადგენლობით, ბრინჯაოს პრიზიორი გახდა. გოგონათა ნაკრებმა ევროპის თასზე მედალი პირველად მოიპოვა.

ქართველი მშვილდოსნები ევროპის თასსა და გარნ-პრიზე საქართველოს სპორტის სამინისტროს მხარდაჭერით იმყოფებოდნენ.