სპეციალურ საგამოძიებო სამსახურთან აქცია სახელწოდებით: „დასაჯე მოძალადეები“, დასრულდა.

მოქალაქეებმა რუსთაველის გამზირზე მიმდინარე აქციებზე პროტესტის მონაწილეების მიმართ ძალადობა გააპროტესტეს.

როგორც პროტესტის მონაწილეები აცხადებენ, ისინი მოძალადეების დასჯას ითხოვენ და ამბობენ, რომ მნიშვნელოვანია, უწყებას მოქალაქეების დასაცავად რეაგირება ჰქონდეს.

აქციაზე მათ თან ჰქონდათ მოტანილი ბანერები სხვადასხვა წარწერით და ფიტული, როგორც აქციებზე დაშავებული ადამიანების სიმბოლო, ასევე, რუსთაველის გამზირზე მიმდინარე აქციებზე დაშავებული და ნაცემი ადამიანების ფოტოები.