რეზინის ტყვიები, წყლის ჭავლი და ცრემლსადენი გაზი რუსთაველზე - სპეცრაზმი აქციის მონაწილეების დაშლას განაგრძობს.

რობოკოპები და წყლის ჭავლის მანქანა დემონსტრანტებისკენ 9 აპრილის ქუჩიდან და თავისუფლების მოედნიდან მიდიან. სპეცდანიშნულების რაზმი რუსთაველის გამზირისა და მიმდებარე ქუჩების აქციის მონაწილეებისგან გათავისუფლებას ცდილობს.

მოქალაქეების მიმართულებით ისინი უშვებენ წიწაკის სპრეის, წყლის ჭავლის მანქანა კი მათ დაშლისკენ მოუწოდებს და ემუქრება.

ამასთან, აქციაზე შეკრებილებმა სამართალდამცველების მიმართულებით, სავარაუდოდ ე.წ. მოლოტოვის კოქტეილები ისროლეს. არსებული ინფორმაციით, დაიწვა პოლიციის მანქანა. ამ დროისთვის უცნობია, დაშავდა თუ არა ვინმე.