სოზარ სუბარი: ძალიან დიდი ძალაა, როცა ყველა მუნიციპალიტეტსა და საკრებულოში გვყავს ფრაქცია. ეს მნიშვნელოვანია სამომავლო ჩვენი გეგმების განხორციელებისთვის
A-
+A
ადგილობრივ სახელისუფლებლო რგოლებში პარტიული წარმომადგენლობების საქმიანობის მნიშვნელობაზე ისაუბრა „ხალხის ძალის“ თავმჯდომარემ სოზარ სუბარმა. როგორც მან თელავში ადგილობრივი თვითმმართველობის წარმომადგენლებთან შეხვედრის შემდეგ ჟურნალისტებთან განაცხადა, ძალიან დიდი ძალაა პარტიის სამომავლო გეგმების განხორციელებისთვის ის, რომ „ხალხის ძალას“ თითქმის ყველა მუნიციპალიტეტში ყავს ფრაქცია.
სოზარ სუბარმა ხაზგასმით აღნიშნა ისიც, რომ ადგილობრივი თვითმმართველობის წარმომადგენლებთან ერთად, შეხვედრები იმართება მოსახლეობასთან, რა დროსაც საუბარი შეეხება მათი პრობლემების გადაჭრის გზებს.
„შეხვედრები გვაქვს ხალხთან და მათ პრობლემებზე ვსაუბრობთ. ძალიან დიდი ძალაა, როცა ყველა მუნიციპალიტეტსა და ყველა საკრებულოში ჩვენ გვყავს ფრაქცია და რაც ყველაზე მთავარია, თითოეულ ფრაქციაში არიან წარმოდგენილები ძალიან დაფასებული და ღირსეული ადამიანები, რომლებსაც იცნობს და პატივს სცემს ადგილობრივი მოსახლეობა. ეს ძალიან დიდი ძალაა სამომავლო ჩვენი გეგმების განხორციელებისთვის.
შეხვედრებზე ვმსჯელობთ როგორც პარტიის სამომავლო ამოცანებზე, ასევე იმაზე, თუ რა სჭირდება რეგიონს, რაში შეგვიძლია დავეხმაროთ და ამოვუდგეთ მხარში მოსახლეობას,“ - განაცხადა სოზარ სუბარმა.
0
0
241
სიახლეები
ყველა
ირაკლი ღარიბაშვილი მორიგ წერილს ავრცელებს
01/09/2026
ასევე გაძლევთ უნარი დაამატოთ ასე მარტივად ეწეროს ტექსტი და ასევე არ მაქვს
ზოგადი შეცდომის ტექსტი
ზოგადი შეცდომის ტექსტი
ზოგადი შეცდომის ტექსტი
მიდიხართ ოქტომბრის არჩევნებში ?
დიახ
25%
არა
75%