ისრაელის საგარეო პოლიტიკის ექსპერტის ამნონ არანის შეფასებით, ისრაელ-ირანის კონფლიქტის შესახებ ტრამპის რიტორიკის ცვალებადი ტენდენცია იმაზე მიუთითებს, რომ ის ისრაელის მიერ ირანზე თავდასხმაში მონაწილეობისკენ იხრება.

,,ასეთი დაძაბული ენა მიანიშნებს, რომ ის ზღვარს კვეთს და მისგან უკან დახევა უკვე ძალიან რთულია. პრეზიდენტ ტრამპის ყველა განცხადება ამ კონფლიქტში მის თანდათანობით ჩარევას ასახავს. ისრაელ-ირანის კონფლიქტში აშშ-ს ჩართვა მისი დაწყების დღიდანვე“, - განუცხადა არანმა BBC-ს. 

როგორც ცნობილია, ტრამპმა სოციალურ ქსელში გამოაქვეყნა პოსტი, სადაც ნათქვამია, რომ ვაშინგტონის „მოთმინება იწურება“ და მას თეირანისგან „უპირობო დანებება“ სურს.