სომხეთის მარეგულირებელმა კომისიამ ერთი თვით სამაუწყებლო ლიცენზია შეუჩერა რადიო „Sputnik არმენიას“. ამის შესახებ Nexta Live იუწყება.

რადიო კრემლის პროპაგანდისტულ მედია ჰოლდინგში შედის. ლიცენზიის შეჩერების მიზეზი ერთ-ერთ გადაცემაში წამყვანის, ტიგრან კეასოიანის მიერ სომხეთის და მისი ხალხის მიმართ „ღირსების შემლახველი განცხადებები“ გახდა.

ტიგრან კეასოიანი რუსეთში მოღვაწე ცნობილი პროპაგანდისტის, მარგარიტა სიმონიანის ქმარია. სიმონიანი არის ტელეკომპანია Russia Today-ის, სააგენტო „როსია სეგოდნია“-ს და სააგენტო Sputnik-ის მთავარი რედაქტორი.