რო­გორც დღეს გახ­და ცნო­ბი­ლი, ერთა ლი­გის B ჯგუფ­ში დარ­ჩე­ნის­თვის სა­ქარ­თვე­ლოს ნაკ­რე­ბის მე­ტო­ქე სომ­ხე­თი იქ­ნე­ბა. პლეი-ოფე­ბის წი­ლისყრა შვე­ი­ცა­რი­ის ქა­ლაქ ნი­ონ­ში გა­ი­მარ­თა.

პირ­ვე­ლი მატ­ჩი სომ­ხეთ­ში 2025 წლის 20 მარტს გა­ი­მარ­თე­ბა, გან­მე­ო­რე­ბითს კი სა­ქარ­თვე­ლო 23 მარტს უმას­პინ­ძლებს.

მო­გეხ­სე­ნე­ბათ, უკ­რა­ი­ნე­ლი სპე­ცი­ა­ლის­ტი ალექ­სან­დრ პეტ­რა­კო­ვი სომ­ხე­თის ნაკ­რე­ბის მთა­ვა­რი მწვრთნე­ლის პოს­ტი­დან ა.წ. ოქ­ტომ­ბრის ბო­ლოს და­ი­თხო­ვეს. ეს მას შემ­დეგ მოხ­და, რაც ერთა ლი­გის მე­ო­თხე ტურ­ში სომ­ხეთ­მა სა­კუ­თარ მო­ე­დან­ზე 0:2 წა­ა­გო ჩრდი­ლო­ეთ მა­კე­დო­ნი­ის ნაკ­რებ­თან.

პეტ­რა­კო­ვი სომ­ხე­თის ნაკ­რებს 2023 წლის იან­ვრი­დან ედგა სა­თა­ვე­ში. 67 წლის სპე­ცი­ა­ლის­ტის ხელ­მძღვა­ნე­ლო­ბით გუნ­დმა 18 მატ­ჩი ჩა­ა­ტა­რა, ოთხი მო­ი­გო, ოთხი ფრედ და­ას­რუ­ლა და 10 წა­ა­გო.

სომ­ხე­თის სა­ფეხ­ბურ­თო ასო­ცი­ა­ცი­ის ვიცე-პრე­ზი­დენ­ტმა არ­მენ ნი­ქო­ღო­სი­ან­მა ეროვ­ნუ­ლი ნაკ­რე­ბის ახა­ლი მთა­ვა­რი მწვრთნე­ლის მო­ლა­პა­რა­კე­ბებ­ზე Fast Sports-ის­თვის მი­ცე­მულ ინ­ტერ­ვი­უ­ში ისა­უბ­რა.

"მო­ლა­პა­რა­კე­ბე­ბი თით­ქმის ყო­ველ­დღი­ურ რე­ჟიმ­ში მიმ­დი­ნა­რე­ობს. ფე­დე­რა­ცი­ის პრე­ზი­დენ­ტი არ­მენ მე­ლიქ­ბე­კი­ა­ნი შეხ­ვდა მი­შელ ტერ-ზა­ქა­რი­ანს, რო­მელ­საც უზარ­მა­ზა­რი ფი­ნან­სუ­რი მო­თხოვ­ნე­ბი აქვს. ჩვენ ასე­ვე გან­ვი­ხი­ლეთ მარ­გარ აღა­ჯა­ნი­ა­ნის ვერ­სია და შევ­ხვდით მას.

გვინ­და, რომ ახა­ლი მწვრთნე­ლი უცხო­ე­ლი იყოს. კა­პა­როს­მა და პეტ­რა­კოვ­მა აჩ­ვე­ნეს, რომ უცხო­ე­თი­დან ჩა­მო­სულ სპე­ცი­ა­ლის­ტებს ბევ­რი უპი­რა­ტე­სო­ბა აქვთ. მივ­ხვით იმა­საც, რომ სა­სურ­ვე­ლია ახა­ლი მწვრთნე­ლი ახალ­გაზ­რდა იყოს, რად­გან ახალ­გაზ­რდა პრო­ფე­სი­ო­ნა­ლე­ბი უფრო მე­ტის მიღ­წე­ვას ცდი­ლო­ბენ.

შე­მიძ­ლია და­გი­დას­ტუ­როთ, რომ კან­დი­დატ­თა სი­ა­ში ლე­გენ­და­რუ­ლი რა­უ­ლიც გვყავს.
"ნოას" მთა­ვარ მწვრთნელ რუი მო­ტა­ზე გავ­რცე­ლე­ბუ­ლი ინ­ფორ­მა­ცია კი ტყუ­ი­ლია", - თქვა ნი­ქო­ღო­სი­ან­მა.

ინ­ფორ­მა­ცი­ის­თვის, რუი მოტა ის ადა­მი­ა­ნია, რო­მე­ლიც გო­რის "დი­ლას" წვრთნი­და და შემ­დეგ სა­მუ­შა­ოდ სომ­ხეთ­ში წა­ვი­და.

ერთა ლი­გის ბოლო 2 ტურ­ში სომ­ხე­თის ნაკ­რე­ბის დრო­ე­ბი­თი მწვრთნე­ლის მო­ვა­ლე­ო­ბას 52 წლის სუ­რენ ჩა­ხა­ლი­ა­ნი ას­რუ­ლებ­და.