სომხური მხარე, ორი ქვეყნის საზღვართან მდებარე სოფელ ჯილიზას, საქართველოსთვის დაბრუნებას გეგმავს, წერს სომხური გაზეთი “ჟოხოვურდი”.

მათივე ცნობით, ეს საკითხი მხარეებმა ერევანში, საქართველოს პრემიერ-მინისტრის, ირაკლი კობახიძის ვიზიტისას განიხილეს, როცა შეხვედრა გაიმართა სომეხ კოლეგა ნიკოლ ფაშინიანთან.

ადგილობრივი მედია აღნიშნავს, რომ სომხეთი და საქართველო სახელმწიფო საზღვრის დემარკაციის საკითხს 1992 წლიდან განიხილავენ. 1996 წლიდან კი ქვეყნებს შორის ფუნქციონირებს დელიმიტაციისა და დემარკაციის კომისიები, მაგრამ “ისინი პასიურ რეჟიმში მუშაობენ”, წერს სომხური პრესა.

შეგახსენებთ, რომ პრემიერ-მინისტრი ირაკლი კობახიძე ერევანში ოფიციალური ვიზიტით 25 მარტს იმყოფებოდა.