სომხეთისა და ირანის საგარეო საქმეთა მინისტრებს შორის სატელეფონო საუბარი გაიმართა.

„ჩვენ ვიმყოფებით ფართომასშტაბიანი ომის შუაგულში. ირანის ისლამური რესპუბლიკა, რომელმაც აგრესიის საპასუხოდ დარტყმები მიიტანა ისრაელისა და ამერიკის ბაზებზე რეგიონში, მზად არის და სამაგიეროს გადაიხდის თავისი ლიდერის სისხლისთვის“, – სომხური მედიის ცნობით, განაცხადა აბას არაღჩიმ.

თავის მხრივ, არარატ მირზოიანმა მწუხარება გამოთქვა ირანის სულიერი ლიდერისა და ირანის მოქალაქეების დაღუპვის გამო.

მან ასევე გამოთქვა მზაობა, ნებისმიერი ჰუმანიტარული დახმარება გაუწიოს ირანს. არარატ მირზოიანი იმედოვნებს, რომ არსებული ვითარება დიპლომატიური გზით დარეგულირდება.