"სოლიდარობა მარიამ შენგელიას და გამძლეობა! ყურადღება არაფერს მიაქციოს", - განაცხადა მომღერალმა, ზურაბ მანჯავიძემ, სოციალურ ქსელებში მარიამ შენგელიას წინააღმდეგ გამოქვეყნებული პოსტების პასუხად.

„მათი ეს ამაზრზენი საქციელი სადამდე უნდა მივიდეს, უკვე მართლა არ ვიცი!

ერთი კითხვა მიჩნდება - ასე რატომ სძულთ საკუთარი ქვეყანა? ადამიანი გადის კონკურსზე, რომელიც წარმოადგენს შენს ქვეყანას. არანაირი ზღვარი არ არსებობს, იმ არაადამიანურ საქციელს შორის, რომელსაც ავლენენ. ნებისმიერი მეთოდით საკუთარ ქვეყანას ვნებენ.

სოლიდარობა მარიამს და გამძლეობა! ყურადღება არაფერს მიაქციოს“, - განაცხადა მანჯავიძემ.

გუშინ ცნობილი გახდა, რომ მარიამ შენგელია "ევროვიზიაზე" საქართველოს წარადგენს.