ასპინძის მუნიციპალიტეტში ყირიმ–კონგოს ჰემორაგიული ცხელებით ადამიანის დაავადების მესამე შემთხვევა გამოვლინდა. ინფორმაციას ადგილობრივი მედია ავრცელებს.

ყირიმ–კონგო სოფელ რუსთავში მცხოვრებ 48 წლის კაცს დაუდასტურდა. მისი მდგომარეობა მძიმეა, პაციენტი თბილისის ინფექციურ საავადმყოფოში მკურნალობს.

„რთული მდგომარეობა აქვს. დადასტურებულია ყირიმ–კონგო. მკურნალობა მიმდინარეობს, ამ ეტაპზე გაუმჯობესება არ არის. რეანიმაციულ განყოფილებაში რჩება“, – ამბობს ინფექციური საავადმყოფოს ექიმი.