წყალტუბოს მუნიციპალიტეტის სოფელ გვიშტიბში გაიმართა საქართველოს ტერიტორიული მთლიანობისთვის დაღუპულ გმირთა ხსოვნისადმი მიძღვნილი გუნდური ჩემპიონატი ქართულ ჭიდაობაში.

შეჯიბრის მიზანი გახლდათ საქართველოს ტერიტორიული მთლიანობისთვის დაღუპულ გმირთა სახელების უკვდავყოფა,ჯანსაღი ცხოვრების წესის დანერგვა ახალგაზრდა თაობებში, ქალაქებსა და რაიონებს შორის მეგობრული ურთიერთობების დამყარება და პერსპექტიული მოჭიდავეების გამოვლენა

წყალტუბოს, თბილისის, გორის, ქარელის, საჩხერეს, ქუთაისის მუნიციპალიტეტის სპორტსმენები ერთმანეთს სხვადასხვა წონით კატეგორიებში დაუპირისპირდნენ.

გამარჯვებული მოჭიდავეები მედლებით, სიგელებითა და ფულადი საჩუქრებით ადგილობრივი თვითმმართველობის წარმომადგენლებმა დააჯილდოვეს.