ე.წ. სარმის სახიდე გადასასვლელის აღსადგენად სამუშაოები დასრულდა და მოქალაქეებს შეუძლიათ გადაადგილება შეფერხების გარეშე, - განუცხადა ონის მუნიციპალიტეტის მერმა, სერგი ხიდეშელმა „ქრონიკას“.

„მოსული უხვი ნალექის გამო, სოფელ გლოლაში დაზიანდა ე.წ. სარმის სახიდე გადასასვლელი. რეგიონული განვითარების და ინფრასტრუქტურის სამინისტროს საგზაო დეპარტამენტის აქტიური ჩართულობით, ხიდი არის აღდგენილი. ამ დროისთვის მოქალაქეებს შეუძლიათ გადაადგილება შეფერხების გარეშე“, - აღნიშნა ხიდეშელმა.

შიდასახელმწიფოებრივი მნიშვნელობის ქუთაისი (ჭომა)-ალპანა-მამისონის უღელტეხილის საავტომობილო გზის 136-ე კმ-ზე არსებულ საავტომობილო გზაზე დაზიანებული სარმის დროებითი ხიდის აღდგენითი სამუშაოები 24 აგვისტოს დილიდან მიმდინარეობდა.