სლოვაკეთის ახალმა პრემიერ-მინისტრმა რობერტ ფიცომ დაადასტურა, რომ არ დაუჭერს მხარს უკრაინის სამხედრო დახმარებას, როგორც მან საარჩევნო კამპანიის დროს განაცხადა.

ფიცომ ეს განცხადება ბრიუსელში ლიდერთა სამიტის წინ, პარლამენტის ევროპის საკითხთა კომიტეტის წევრებთან სიტყვით გამოსვლისას გააკეთა.

„სჯობს 10 წელი გამართონ სამშვიდობო მოლაპარაკება, ვიდრე 10 წლის განმავლობაში ერთმანეთი მოკლან ყოველგვარი შედეგის გარეშე“ - თქვა მან.

პრემიერ-მინისტრმა ასევე დასძინა, რომ მისი აზრით, ომის ამ ეტაპზე რუსეთს „უკრაინაზე უფრო დიდი ტერიტორიული მიღწევები აქვს“.
ასევე, კომიტეტში გამოსვლისას მან განაცხადა, რომ არ აპირებს რუსეთის წინააღმდეგ ევროპული სანქციების მხარდაჭერას ევროკავშირის ქვეყნებზე მათი გავლენის შეფასების გარეშე.