სლავიანსკში რუსული ძალების მიერ საცხოვრებელი უბნის დაბომბვის შედეგად დაღუპულთა რაოდენობა 9-მდე გაიზარდა. გარდაცვლილთა შორის არიან ქალები და ბავშვი. სამძებრო-სამაშველო სამუშაოები კვლავ გრძელდება. ნანგრევებში შესაძლოა, კიდევ 4 ადამიანი იმყოფებოდეს, ამის შესახებ უკრაინული მედია იუწყება.

დაბომბვის შედეგად 20-ზე მეტი ადამიანი დაშავდა.

უკრაინული მედიის ცნობით, სლოვიანსკზე სარაკეტო თავდასხმა რუსებმა 14 აპრილს განახორციელეს. სარაკეტო დარტყმების შედეგად დაზიანებულია 5 მაღალსართულიანი შენობა, 5 კერძო სახლი, დაზიანებულია მაღაზია, ბიზნეს ცენტრი და 3 მანქანა.