ანტინარკოტიკულ საკანონმდებლო პაკეტს დეპუტატები მეორე მოსმენით მიიღებენ.

ცვლილების მიხედვით, კანონმდებლობა მკაცრდება, განსაკუთრებით, ნარკორეალიზატორებისთვის, თუმცა, დამატებითი შეზღუდვები უწესდებათ ნარკომომხმარებლებსაც. ნებისმიერი სახის ნარკოტიკული საშუალების, მათ შორის, მარიხუანას რეალიზებისთვის 12-დან 20 წლამდე, ან უვადო პატიმრობაა გათვალისწინებული. ასევე, თუ პირს დაუდასტურდება ნარკოტიკული საშუალებების მოხმარება მას სატრანსპორტო საშუალების მართვა აეკრძალება სამი წლით არის სხვა შეზღუდვებიც.

კანონის გამკაცრებას კრიტიკულად უყურებს ოპოზიცია და ცვლილებებს სპექტაკლს უწოდებს.

"არანაირი საჭიროება ამ ცვლილებების არ ყოფილა, იქიდან გამომდინარე, რომ 8-დან 20 წლამდე, ან სამუდამო პატიმრობით ისედაც ისჯება ეს ქმედებები და 8-ს 12-მდე აწევ თუ არა, ამას მხოლოდ დამაშინებელი ეფექტი აქვს და პრაქტიკაში როგორ გამოიყენებ, ეს არის მნიშვნელოვანი. მაგრამ, სიმბოლურად, ის ხალხი, რომელმაც "ქართულ ოცნებას" მხარი დაუჭირა, როგორც ლიბერალური ნარკოპოლიტიკის აქტორებს, ამას იმსახურებს. ამაშია მთელი "სამართლიანობა" ამ კანონის," - აცხადებს პარტია "გირჩის," თავმჯდომარე, იაგო ხვიჩია.