ევროკავშირსა და აშშ-ს შორის დადებული სატარიფო შეთანხმება აშკარა გამარჯვებაა აშშ-ისთვის - ამერიკელ ხალხს აქვს მიზეზი, იამაყოს დონალდ ტრამპით, მან მოლაპარაკება გამართა ისეთი შეთანხმების შესახებ, რომელიც აშშ-ის ინტერესებს ემსახურება, - განაცხადა უნგრეთის საგარეო საქმეთა მინისტრმა, პიტერ სიიარტომ.

„ამასობაში, ფონ დერ ლაიენმა და ევროკომისიამ კიდევ ერთხელ დაამცირეს ევროპა. ამ აშკარად საზიანო შედეგის წარმატებად წარმოჩენის მცდელობამ ევროკომისიის პრეზიდენტი გლობალურ დონეზე სასაცილოდ აქცია.

ამ ვითარებაში უნგრეთის მთავრობამ გადაწყვიტა მიეღო ზომები უნგრული ინდუსტრიისა და სამუშაო ადგილების დასაცავად, რაც გულისხმობს უნგრეთში აშშ-ის კორპორატიული ინვესტიციების ზრდასაც“, - აღნიშნა უნგრეთის საგარეო უწყების ხელმძღვანელმა.