”დაღუპულთა რიცხვი 131-მდე გაიზარდა, 63 ადამიანი ჰოსპიტალიზირებულია”, - განუცხადა AFP-ს ქვეყნის კატასტროფების მართვის ეროვნული სააგენტოს კომუნიკაციების ხელმძღვანელმა, ლამარანა ბაჰმა.

სიერა-ლეონეს პრეზიდენტმა, იულიუს მადა ბიომ, სამდღიანი გლოვა გამოაცხადა.

კატასტროფა 5 ნოემბერს მოხდა, როდესაც ფრითაუნის ინდუსტრიულ უბანში სატვირთო მანქანა ბენზინმზიდს შეეჯახა. 

7,5 მილიონიანი მოსახლეობის მქონე დიდი ბრიტანეთის ყოფილი კოლონია - სიერა-ლეონე -მსოფლიოში ერთ-ერთი ყველაზე ღარიბი ქვეყანაა, მიუხედავად იმისა, რომ აქ უხვად მოიპოვება ბრილიანტი. ქვეყნის ეკონომიკა კვლავ ებრძვის 1991-2002 წლების სამოქალაქო ომისა (რომელმაც 120,000-მდე ადამიანის სიცოცხლე შეიწირა) და 2013-16 წლის ებოლას ეპიდემიის შედეგებს, რასაც 2020 წელს Covid-19-ის კრიზისიც დაემატა.