სიცილიაში, ხელოვანთა საერთაშორისო ფესტივალის ფარგლებში, ქალაქ ავგუსტას კედელზე პოეტ დათო მაღრაძის ლექსით მარმარილოს სვეტი გაკეთდება.

პროექტის დეტალებზე პოეტმა დათო მაღრაძემ გადაცემაში „იმედი LIVE“ ისაუბრა.

„ჩემთვისაც ძალიან სასიხარულო ამბავი იყო, გადაწყვეტილია, 31 აგვისტოს არის დაგეგმილი მარმარილოს სტელის გახსნა, რომელსაც ქალაქ ავგუსტას კედელში ჩადებენ. მასზე დატანილი იქნება ჩემი ლექსი. ზუსტად არ ვიცი, რამდენიმე ვერსია აქვთ. 3 თუ 4 ლექსიდან რომელი ჩადონ, ფიქრობენ“, - აღნიშნა მაღრაძემ.

მისივე თქმით, პირველი ფილა ქალაქის კედელზე მისი ლექსით - „ნატას და ელენეს” როკა იმპერიალეში განთავსდა.