შვედეთში ახალი კანონის ძალაში შესვლიდან, რომელიც საჯარო მოხელის შეურაცხყოფას სისხლის სამართლის დანაშაულად აცხადებს, პოლიციაში 170-ზე მეტი საჩივარი დაფიქსირდა. ინფორმაციას ამის შესახებ ადგილობრივი მედია ავრცელებს.

აქედან 50 საჩივარი ვესტის პოლიციის ოლქშია შესული, სადაც 10 წინასწარი გამოძიება უკვე მიმდინარეობს.

საჩივრები სხვადასხვა თანამდებობაზე მყოფი საჯარო მოხელეებისგან შევიდა, მათ შორის არიან პოლიციის ოფიცრები, დაცვის თანამშრომლები, შვედეთის ტრანსპორტის ადმინისტრაციისა და სოციალური დაზღვევის სააგენტოს თანამშრომლები.

პერ ტორსტენსონი, პოლიციის ოფიცერი ქალაქ ბურუსიდან, იმედოვნებს, რომ ახალი კანონი საზოგადოების დამოკიდებულებას შეცვლის საჯარო მოხელეების მიმართ.