შვედეთის პარლამენტის წევრი გუსტაფ გოთბერგი აცხადებს, რომ შვედეთი-საქართველოს საპარლამენტო მეგობრობის ჯგუფმა გადაწყვიტა, საქართველოს პარლამენტთან ყველანაირი კონტაქტი დაუყოვნებლივ შეწყვიტოს.

მისივე თქმით, საპარლამენტო ჯგუფი ქართველი ხალხის გვერდით დგას.

„შვედეთ-საქართველოს საპარლამენტო მეგობრობის ჯგუფმა გადაწყვიტა, რომ საქართველოს პარლამენტთან დაუყოვნებლივ შეწყვიტოს ყველანაირი კონტაქტი. ჯგუფი ეწინააღმდეგება ახალი პრეზიდენტის არაკონსტიტუციურ დანიშვნას და საქართველოში ახალი არჩევნების ჩატარების მოწოდებით გამოდის. ჩვენ ვდგავართ ქართველი ხალხის გვერდით“, – წერს შვედეთის პარლამენტისა და ევროპის საბჭოს ასამბლეის წევრი, გუსტაფ გოთბერგი სოციალურ ქსელში.