ჭავჭავაძის გამზირზე დაკავებული თორნიკე მსხილაძე ხელწერილის საფუძველზე გათავისუფლდება. ამის შესახებ პირველ არხს შინაგან საქმეთა სამინისტროს პრესსამსახურში განუცხადეს.

რაც შეეხება სხვა პირებს, რომელთა დაკავებასთან დაკავშირებით ასევე გავრცელდა ინფორმაცია, მათ შესახებ უწყებაში კომენტარს ჯერ არ აკეთებენ.

ჭავჭავაძის გამზირზე თორნიკე მსხილაძის დაკავების შესახებ ინფორმაცია „ფედერალისტების“ ერთ-ერთმა ლიდერმა, თამარ ჩერგოლეიშვილმა გაავრცელა. მისი თქმით, დაკავებული ონკოპაციენტი და შშმ პირია.

ასევე გავრცელდა ინფორმაცია თბილისსა და ქუთაისში სამართალდამცველების მიერ რამდენიმე პირის დაკავების შესახებ.