შოთა არველაძემ რომში, „სტადიო ოლიმპიკოზე“ დიეგო მარადონას ხსოვნისადმი მიძღვნილ, მსოფლიო საქველმოქმედო მატჩში ითამაშა და 2 გოლი გაიტანა. 

რომის პაპის და Weplayforpeace-ს ინიციატივით გამართულ მატჩში მსოფლიო საფეხბურთო სამყაროს ათობით ვარსკვლავი მონაწილეობდა. 

მათ შორის იყო ქართველი შოთა არველაძე, რომელმაც ცნობილ ბრაზილიელ ვარსკვლავთან, რონალდინიოსთან ერთად „თეთრი მაისურიანების“ გუნდში ითამაშა.

მოგვიანებით, შოთა არველაძემ სოციალურ ქსელში რონალდინიოსთან ერთად გადაღებული ფოტო და კიდევ ერთ ვარსკვლავთან, ხრისტო სტოიჩკოვთან შეხვედრის ვიდეოც გამოაქვეყნა.