რუსეთის თავდაცვის მინისტრმა სერგეი შოიგუმ პრეზიდენტ ვლადიმერ პუტინს შესთავაზა, სამხედრო სამსახურში გაწვევის ასაკი ეტაპობრივად გაიზრდოს - 21-დან 30 წლამდე და არა 18-დან 27 წლამდე, როგორც ეს ახლა არის. ამის შესახებ შოიგუმ თავდაცვის სამინისტროს კოლეგიაში რუსეთის პრეზიდენტ ვლადიმირ პუტინს მიმართა.

გარდა ამისა, მან შესთავაზა წვევამდელებთან ხელშეკრულება  სამსახურის პირველივე დღიდან გაფორმდეს.

შოიგუს სურს გაიზარდოს რუსეთის შეიარაღებული ძალების რაოდენობა 1,5 მილიონ სამხედრომდე, რათა საკონტრაქტო ჯარისკაცების საშუალო რაოდენობა იყოს 695 000.

შოიგუს გამოსვლის შემდეგ ვლადიმერ პუტინმა განაცხადა, რომ ეთანხმება მის ინიციატივებს და შესთავაზა განხილვა დახურულ კარს მიღმა მოხდეს.