შობის ღამეს ჩრდილო-დასავლეთ ინგლისში, პაბში სროლის შედეგად ახალგაზრდა ქალი დაიღუპა და სამი კაცი დაიჭრა. 

ადგილობრივმა სამართალდამცველებმა განაცხადეს, რომ დაჭრილი ქალი სამედიცინო დაწესებულებაში მიყვანის შემდეგ გარდაიცვალა.

პოლიციის ცნობით, ეჭვმიტანილი სავარაუდოდ მუქი ფერის ავტომობილით მივიდა პაბთან, შემდეგ კი გაქცევა მოახერხა.

„გამოძიება ძალიან ადრეულ ეტაპზეა და ჩვენ გვესმის, რომ ეს არის მართლაც შოკის მომგვრელი ინციდენტი შობის ღამეს“, - ამბობს დეტექტივი დევიდ მაკკაგრეარი.

ეჭვმიტანილი ამ ეტაპზე დაკავებული არ არის, უცნობია სროლის მოტივიც. მიმდინარეობს საგამოძიებო მოქმედებები.