უწყების ინფორმაციით, 179-ე მუხლით გათვალისწინებული დანაშაულის ჩადენისთვის 2002 წლიდან იძებნებოდა.

"შინაგან საქმეთა სამინისტროს ქვემო ქართლის პოლიციის დეპარტამენტის მარნეულის რაიონული სამმართველოს თანამშრომლებმა, ჩატარებული სამძებრო ღონისძიებების შედეგად, ყაჩაღობისთვის ძებნილი პირი - 1977 წელს დაბადებული ვ.ვ. დააკავეს.

აღნიშნული პირი საქართველოს სისხლის სამართლის კოდექსის 179-ე მუხლით გათვალისწინებული დანაშაულის ჩადენისთვის 2002 წლიდან იძებნებოდა.

სამართალდამცველებმა ვ.ვ., სასაზღვრო გამშვები პუნქტზე - "წითელი ხიდის" ტერიტორიაზე, მსჯავრდებულის სახით დააკავეს. დაკავებული პენიტენციურ დაწესებულებაშია გადაყვანილი,"- ნათქვამია შსს მიერი გავრცელებულ ინფორმაციაში.