დედათა მონასტერში შეჭრისა და მონაზონზე განხორციელებული ფიზიკური ძალადობის ფაქტს გამოეხმაურა ფსიქოლოგი ნათია ფანჯიკიძე.

“მართლა შეუძლებელია ასე. თავს გაყოფ კედლიდან და საშინელებას იგებ. ისევ მოვისროლე ნაგავში გასართობი პოსტი”, წერს ფანჯიკიძე.

მისი თქმით,  70 წლის მონაზონი ქალი გახდა სასტიკი ძალადობის მსხვერპლი. 

"მონაზონი გადაყვანილია საავადმყოფოში. 
და რათქმაუნდა, ისმის კივილი, როგორც ერთადერთი რეაქცია უმწეობისგან.  ერთნაირად კივის ყველა კომპეტენციის და სოციალური მდგომარეობის ადამიანი. ერთადერთს ვნატრობ, როდესმე ემოციის შემდეგი ქმედების ეტაპზე გადასვლა გვეღირსოს", წერს ნათია ფანჯიკიძე.

ცნობისთვის, დედათა მონასტერში ჯგუფური ყაჩაღობისა და გაუპატიურების ბრალდებით 2 პირია დაკავებული.