შეიარაღებულმა პირმა პენსილვანიის საავადმყოფოში მძევლები აიყვანა, ერთი პოლიციელი დაიღუპა, თავდამსხმელი ლიკვიდირებულია, – ამის შესახებ ინფორმაციას „როიტერი“ ავრცელებს.

როგორც გამოცემა წერს, დაშავებულია კიდევ ხუთი ადამიანი.

იორკის ოლქის პროკურორმა, ტიმ ბარკერმა განაცხადა, რომ თავდამსხმელი პენსილვანიაში, UPMC Memorial-ის საავადმყოფოში გუშინ შევიდა და ინტენსიური თერაპიის განყოფილებაში პერსონალი მძევლად აიყვანა. დაჭრილია ექთანი და დამლაგებელი, ასევე ექიმი.

პოლიციის განცხადებით, თავდამსხმელმა მოკლა დასავლეთ იორკის პოლიციელი – ენდრიუ დუარტე. კიდევ ორი პოლიციელი დაშავდა.

აღნიშნულ შემთხვევასთან დაკავშირებით მიმდინარეობს გამოძიება.