„საქართველოს რკინიგზის“ ინფორმაციით, ბათუმი-თბილისის რეისზე მოძრაობა მაქსიმუმ 30 წუთში განახლდება.

როგორც საქართველოს რკინიგზის მიერ გავრცელებულ ინფორმაციაშია აღნიშნული, ბათუმი-თბილისის რეისი მაღალი ძაბვის ქსელზე შექმნილი ტექნიკური პრობლემის გამო შეფერხდა.

„ძვირფასო მგზავრებო! მაღალი ძაბვის ქსელზე შექმნილი ტექნიკური პრობლემის გამო, შეფერხდა ბათუმი-თბილისის რეისი. საქართველოს რკინიგზის ტექნიკური ბრიგადა უკვე მუშაობს და უმოკლეს პერიოდში (მაქსიმუმ 30 წუთში) ვიმედოვნებთ მოძრაობის განახლებას“, - ნათქვამია გავრცელებულ ინფორმაციაში.