შეერთებულმა შტატებმა გაეროს უშიშროების საბჭოს რეზოლუციას, რომელიც ღაზაში ცეცხლის დაუყოვნებლივ, უპირობო და მუდმივ შეწყვეტას ითხოვდა, ვეტო დაადო. დოკუმენტს საბჭოს დანარჩენმა 14-მა წევრმა მხარი დაუჭირა.

რეზოლუცია ასევე ითვალისწინებდა "ჰამასის" ისრაელელი მძევლების გათავისუფლებას, თუმცა ვაშინგტონმა განაცხადა, რომ ეს მოთხოვნა "არარეალურია", რადგან ცეცხლის შეწყვეტის პირობა ტყვეების გათავისუფლებასთან პირდაპირ დაკავშირებული არაა.

ღაზაში კი საბრძოლო მოქმედებები არ წყდება. მედიის ინფორმაციით, "ცახალის" იერიშებს ანკლავში, ბოლო 24 საათის განმავლობაში, თითქმის 100 პალესტინელი ემსხვერპლა. დაშავდა 440-ზე მეტი.

კონფლიქტის ზონაში ჰუმანიტარული კატასტროფაა. გრძელდება სექტორის ჰუმანიტარული ბლოკადაც.