როგორც აშშ-ის სახელმწიფო დეპარტამენტის პრესსპიკერმა ტემი ბრიუსმა განაცხადა, აშშ-ის პრეზიდენტის დონალდ ტრამპის მიერ გამოცხადებული 50-დღიანი ვადა, რომელიც რუსეთს უკრაინაში შეიარაღებული კონფლიქტის დასასრულებლად მიეცა, მკაცრად განსაზღვრული არ არის.

,,განსაზღვრული დროის საკითხი შეფასდება მოლაპარაკებების პროცესის განვითარების შესაბამისად. პრეზიდენტის სიტყვებით, თუ რეალური მოლაპარაკებები დაიწყება და ისინი წინ წავა, მაშინ ყველაფერი შეიძლება სწრაფად შეიცვალოს“, - თქვა ბრიუსმა.

ერთი კვირის წინ, დონალდ ტრამპმა განაცხადა, რომ ის „ძალიან უკმაყოფილო იყო რუსეთით“. ტრამპი მოსკოვს 100%-იანი ტარიფებით დაემუქრა, თუ უკრაინაში მიმდინარე კონფლიქტი 50 დღის განმავლობაში მშვიდობიანი გზით არ მოგვარდება. ასევე მსგავსი გადასახადები შეიძლება დაწესდეს იმ ქვეყნებიდან იმპორტირებულ პროდუქციაზე, რომლებიც რუსულ ნავთობს ყიდულობენ.