თეთრი სახლის ოვალურ კაბინეტში ჟურნალისტებთან საუბრისას, აშშ-ის პრეზიდენტმა დონალდ ტრამპმა განაცხადა, რომ შეერთებულ შტატებს მსოფლიოში ყველაზე მძლავრი იარაღი აქვს, რომლის შესახებაც არავინ იცის.

"ჩვენ გვაქვს იარაღი, რომლის შესახებაც არავინ არაფერი იცის. და ეს არის ყველაზე მძლავრი იარაღი მსოფლიოში", - განაცხადა ტრამპმა.

ტრამპმა დეტალები არ დააკონკრეტა.

ჩინეთიდან იმპორტირებულ საქონელზე დაწესებული გადასახადების გაზრდის გამო შესაძლო ესკალაციის შესახებ შეშფოთებასთან დაკავშირებით, აშშ-ის პრეზიდენტმა თქვა, რომ ის არ ღელავს და არ ელის ესკალაციას.

„ჩინეთის პრეზიდენტი სი (ძინპინი) მსოფლიოში ერთ-ერთი ძალიან ჭკვიანი ადამიანია და არ მგონია, რომ მან ეს დაუშვას“, - დასძინა ტრამპმა.