საპარლამენტო პოლიტიკური ჯგუფის “რეფორმების ჯგუფი“ წევრი, თეონა აქუბარდია ამბობს, რომ 2007 წლის 7 ნოემბრის შემდეგ მიხეილ სააკაშვილი გადადგა თანამდებობიდან და იმ მოვლენებისა და დღევანდელი პროცესების შედარება არარელევანტურია.

“ჩემთვის მიუღებელია, რომ ის ადამიანები საუბრობენ 2007 წლის 7 ნოემბერზე, რომლებიც “ნაციონალური მოძრაობის“ ლიდერების გვერდით იდგნენ მაშინ და ახლა საუბრობენ იმ დანაშაულებზე, რომლებსაც ჰქონდა ადგილი. თუ შევადარებთ 7 ნოემბერს დღევანდელ რეალობასთან, 7 ნოემბრის შემდეგ მიხეილ სააკაშვილი გადადგა და იმავდროულად, მიხეილ სააკაშვილს არ შეუცვლია ქვეყნის საგარეო ვექტორი და დასავლეთისგან იზოლაცია არ დაუწყია. შესაბამისად, არა რელევანტური შედარებაა. შეერთებული შტატები რომ არ ყოფილიყო 2012 წელს, მშვიდობიანად ხელისუფლების გადაბარება არ მოხდებოდა,“ - აცხადებს თეონა აქუბარდია.