შავი ზღვის საერთაშორისო უნივერსიტეტი სამწუხარო ინფორმაციას ავრცელებს და მწუხარებას გამოთქვამს პროფესორის, მალხაზ ჩახნაშვილის გარდაცვალების გამო.

„შავი ზღვის საერთაშორისო უნივერსიტეტი ღრმა მწუხარებას გამოთქვამს ჩვენი კოლეგისა და მეგობრის, ღვაწლმოსილი პროფესორის, მალხაზ ჩახნაშვილის გარდაცვალების გამო და უსამძიმრებს ოჯახის წევრებს, ახლობლებსა და მეგობრებს. ბატონი მალხაზი წლების განმავლობაში შავი ზღვის საერთაშორისო უნივერსიტეტში კითხულობდა ლექციებს ადმინისტრაციული სამართლის მიმართულებით“,- ნათქვამია სამძიმრის წერილში.