პარლამენტის თავმჯდომარე შალვა პაპუაშვილი საქართველოს კალათბურთის ეროვნული ნაკრების წევრ გიორგი შერმადინთან დაკავშირებულ შემთხვევას გამოეხმარა.

შერმადინმა საშინაო არენაზე ნაკრებთან ერთად ბოლო თამაში ჩაატარა. გამოსამშვიდობებელ სიტყვაში კალათბურთელმა მადლობა გადაუხადა საქართველოს სახელმწიფოს და მთავრობის მეთაურს, ირაკლი კობახიძეს გაწეული დახმარებისთვის. აღნიშნულმა კომენტარმა ტრიბუნებზე მყოფ გულშემატკივართა ნაწილში უკმაყოფილება გამოიწვია.

როგორც პაპუაშვილმა აღნიშნა, ნაცი რუსთაველზეც ნაცია, სტადიონზეც და სპორტის სასახლეშიც.

„ნაცი – ნაცია, ყველგან, რუსთაველზეც, სტადიონზეც და სპორტის სასახლეშიც. ნაცს რა უნდა უთხრა, როდესაც რამდენიმე ათეული ადამიანი ასეთ საქციელს ჩადის, რა უნდა ველაპარაკოთ? ნაცი, ნაცია“, – განაცხადა პაპუაშვილმა.