29/11/2025
13:27
კეთილი იყოს თქვენი მობრძანება ღირებულებებით სავსე ევროკავშირში, – ამის შესახებ პარლამენტის თავმჯდომარე შალვა პაპუაშვილი სოციალურ ქსელში წერს.
შალვა პაპუაშვილი „ლელო – ძლიერი საქართველოს“ წევრის, ალეკო ელისაშვილის დაკავებას ეხმაურება. როგორც შინაგან საქმეთა სამინისტროში განაცხადეს, ელისაშვილმა დღეს, დილით, გამთენიისას თბილისის საქალაქო სასამართლოს კანცელარიის შენობის დაწვა სცადა.
პარლამენტის თავმჯდომარის შეფასებით, ალეკო ელისაშვილმა „ტერორისტული აქტის განხორციელება“ სცადა.
„გუშინ ევროკავშირის ზოგიერთი დედაქალაქიდან მოვისმინეთ მოძალადე ჯგუფების მხარდამჭერი განცხადებები. დღეს „ალდეს“ წევრი პარტიის ერთ-ერთმა ლიდერმა ტერორისტული აქტის განხორციელება სცადა. კეთილი იყოს თქვენი მობრძანება ღირებულებებით სავსე ევროკავშირში“, – წერს პაპუაშვილი.
0
0
