“პარი სენ-ჟერმენის” ცენტრალურმა მცველმა სერხიო რამოსმა სოციალურ ქსელში ესპანეთის ნაკრებიდან წასვლის შესახებ განაცხადა.

„მე გავაგრძელებ ჩემი ქვეყნის გულშემატკივრობას სახლიდან იმ ადამიანის ემოციებით, ვინც შეძლო მისი ამაყად წარმოჩენა 180-ჯერ“ - წერს რამოსი.

ის ესპანეთის საფეხბურთო ნაკრებში 2005 წლიდან თამაშობს. ამ ხნის განმავლობაში 180 მატჩი ჩაატარა, რომელშიც 23 გოლი გაიტანა. ეროვნულ ნაკრებთან ერთად გახდა ევროპის ორგზის ჩემპიონი (2008, 2012), 2010 წელს კი მსოფლიო ტიტული მოიპოვა.

Transfermarkt-ის ცნობით, რამოსის საბაზრო ღირებულება 6 მილიონი ევროა.