სერგიევ პოსადში ზაგორსკის ოპტიკურ-მექანიკურ ქარხანაში მომხდარი აფეთქების შედეგად დაშავებულთა რიცხვი 45-მდე გაიზარდა. ამის შესახებ მოსკოვის ოლქის სერგიევ პოსადის საქალაქო ოლქის ადმინისტრაციის ოფიციალური ტელეგრამის არხი იტყობინება.

მანამდე არსებული ინფორმაციით, საუბარი იყო 38 დაშავებულზე.
„ამჟამად რეანიმაციაში 6 ადამიანია, განყოფილებებში – 17, სასწრაფოში – 22“, – ნათქვამია განცხადებაში.

მანამდე სერგიევ პოსადის საქალაქო ოლქის ხელმძღვანელმა დიმიტრი აკულოვმა ტელეგრამის არხზე 35 დაშავებულის შესახებ განაცხადა.
TASS-ის ცნობით, აფეთქება მოხდა პიროტექნიკის საწყობში, სერგიევ პოსადში, ზაგორსკის ოპტიკური და მექანიკური ქარხნის ტერიტორიაზე. საცხოვრებელ კორპუსებსა და სოციალურ დაწესებულებებში ორ ქუჩაზე აფეთქების ტალღის შედეგად მინები ჩაიმსხვრა. ხუთს სხეულის 100% დამწვრობა აქვს.