წინასწარი შეფასებით, 2024 წლის სექტემბერში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 8.3 პროცენტი შეადგინა, ხოლო 2024 წლის პირველი ცხრა თვის საშუალო მაჩვენებელი 9.8 პროცენტით განისაზღვრა. ინფორმაციას ამის შესახებ საქსტატი ავრცელებს.

უწყების ცნობით, 2024 წლის სექტემბერში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა:

მშენებლობა,

საფინანსო და სადაზღვევო საქმიანობები,

ტრანსპორტი და დასაწყობება,

ვაჭრობა.

კლების ტენდენცია დაფიქსირდა ენერგეტიკის სექტორში.