ამერიკელი სენატორი მაიკ ლი აცხადებს, რომ აშშ-ის მიერ წლების განმავლობაში უკრაინისთვის გაწეული დახმარება კორუფციის დაფინანსებისთვის გამოიყენებოდა. ამის შესახებ მაიკ ლი სოციალურ ქსელში წერს.
„ზოგიერთი ჩვენგანი წლების განმავლობაში აფრთხილებდა, რომ აშშ-ის დახმარება უკრაინისთვის მასშტაბური კორუფციის დაფინანსებას ნიშნავდა. იმ პირებს, ვინც შეშფოთებას გამოთქვამდნენ, რუტინულად „პუტინის მოყვარულებად“ მოიხსენიებდნენ და რუსული აგრესიის ხელშეწყობაში ადანაშაულებდნენ. ეს „უნიპარტიამ“ და სამხედრო ინდუსტრიულმა კომპლექსმა გააკეთეს“, – წერს მაიკ ლი X-ზე.
ამასთან, მაიკ ლიმ გააზიარა Fox News-ის წამყვანის, ლორა ინგრემის პოსტი, სადაც ის წერს, რომ მსგავსი კორუფციული სქემების მეშვეობით 220 მილიარდი დოლარი დაიხარჯა.
„დიდი ალბათობით, აშშ-ის მიერ უკრაინისთვის გამოყოფილი მილიარდობით დოლარი ზელენსკის მთავარი თანაშემწეების კერძო შვეიცარიულ ანგარიშებზე აღმოჩნდა. რა თაღლითობაა. 220 მილიარდი დოლარი დაიხარჯა! ზელენსკის მთავარი თანაშემწე კორუფციის გამოძიების გაღრმავების გამო თანამდებობიდან გადადგა“, – დაწერა ლორა ინგრემმა.
0
0
