სენაკში დღეს მომხდარი ავტოსაგზაო შემთხვევის გამო, რომლის შედეგადაც ახალგაზრდა ქალი დაიღუპა, გალა კონცერტი  არ გაიმართება - ამის შესახებ სენაკის მერიის მიერ გავრცელებულ განცხადებასია აღნიშნული.

"12 აგვისტო ახალგაზრდობის საერთაშორისო დღეა.  
ვწუხვარ, რომ ჩვენს ქალაქში, ტრაგედია დატრიალდა. ავტოკატასტროფას ახალგაზრდა, წარმატებული სენაკელის, რუსკა ინალიშვილის სიცოცხლე ემსხვერპლა.
ვუსამძიმრებ ოჯახს, ახლობლებს, მის მეგობრებს.
დატრიალებული ტრაგედიის გამო მივიღეთ გადაწყვეტილება, რომ ახალგაზრდობის საერთაშორისო დღისადმი მიძღვნილი გალა კონცერტი არ ჩავატაროთ." - ნათქვამია განცხადებაში.

შეგახსენებთ, რომ სენაკში მომხდარ ავარიას ახალგაზრდა ქალი ემსხვერპლა. დაშავებულია 4 პირი, რომელთაგან 2-ის მდგომარეობა მძიმეა.