საქართველოს ენერგეტიკისა და წყალმომარაგების მარეგულირებელი ეროვნული კომისიის წევრად დავით თვალაბეიშვილი 84 ხმით აირჩიეს.

პარლამენტმა შესაბამისი დადგენილების პროექტი კენჭისყრით მიიღო. კანდიდატურა პარლამენტს 15 მაისს საქართველოს პრეზიდენტმა სალომე ზურაბიშვილმა წარუდგინა.

დავით თვალაბეიშვილი 2021 წლის დეკემბრიდან ელექტროენერგეტიკული ბაზრის ოპერატორის [ესკო] გენერალური დირექტორი იყო. მანამდე მას ეკონომიკის მინისტრის მოადგილის პოსტი ეკავა და ენერგეტიკის სექტორს კურირებდა. მარეგულირებელი კომისია ხუთი წევრისგან შედგება, კომისიის წევრი თანამდებობაზე აირჩევა 6 წლის ვადით. ერთი და იგივე პირი კომისიის წევრად შეიძლება აირჩეს მხოლოდ ორჯერ.