ორთაბათუმში მცხოვრები მრავალწევრიანი ოჯახი ყოველდღიურად სტიქიური უბედურების მოლოდინშია. მიზეზი საცხოვრებელ სახლთან ჩამოშლილი ფერდობია. ორთაბათუმში მცხოვრებთა თქმით, ყოველი უამინდობის დროს მიწის მასა იძვრება და სახლს დანგრევა ემუქრება.

ნოდარ ხინკილაძე ხელისუფლებას დახმარებას სთხოვს. ის აჭარის მთავრობასა და ხელვაჩაურის გამგეობას თვეებია რეაგირებისკენ მოუწოდებს.

"7 იანვარს პირველი მოხდა აგი, ეს რაც არის მთლიანი, ჩამოვიდა. ნახევარი საათის უკან ეს მთა კიდევ ჩამოვიდა. საშიშროებაა, ზევიდან აწვება და მოდის, რა ვიცი რა მოხდება ხვალ, ზეგ, ერთ წელში. დახმარებას ვითხოვ. აი, მდინარის კალაპოტი უნდა კიდევ გადავარდეს უნდა. მე ახლა მთლად მდინარეს ვერ დავაბრალებ. იმიტომ, რომ ზევიდანაა მეწყერი წამოსული", - ამბობს ხინკილაძე.