„ეთიოპიაში უსაფრთხოების გარემო ძალიან არასტაბილურია. ვურჩევთ აშშ-ის მოქალაქეებს, რომლებიც ეთიოპიაში იმყოფებიან, რაც შეიძლება მალე დატოვონ ქვეყანა“, - ნათქვამია განცხადებაში.

2 ნოემბერს, ეთიოპიის მინისტრთა საბჭომ ქვეყანაში საგანგებო მდგომარეობა გამოაცხადა. კონფლიქტი ტიგრაის რეგიონში ეთიოპიის ხელისუფლებასა და მემარცხენე პარტია „ტიგრაის განმათავისუფლებელ ეროვნულ ფრონტს“ შორის 2020 წლის ნოემბრიდან მიმდინარეობს.

გაეროს მონაცემებით, კონფლიქტის შედეგად 20 ათასამდე ადამიანია დაღუპული, ხოლო ათობით ათას ადგილობრივ მცხოვრებს საკუთარი საცხოვრებელი სახლების დატოვება მოუწია.