საქართველოს სახალხო დამცველი ლევან იოსელიანი აშშ-ის საგანგებო და სრულუფლებიან ელჩს საქართველოში რობინ დანიგენს შეხვდა.

გაცნობითი ხასიათის შეხვედრაზე სახალხო დამცველმა ელჩს აპარატის მანდატი და პრიორიტეტები გააცნო, ისაუბრეს თანასწორობის მექანიზმის მუშაობის საკითხებზე და ხაზი გაუსვეს ინსტიტუციის დამოუკიდებლობის მნიშვნელობას.

„აშშ-ს ელჩთან გამართულ შეხვედრაზე განსაკუთრებული ყურადღება გავამახვილეთ დღეს-დღეობით ჩვენი ქვეყნის მთავარ პრობლემაზე -ოკუპაციასა და ოკუპირებულ ტერიტორიებზე მცხოვრები ადამიანების უფლებების დაცვის თვალსაზრისით არსებულ გამოწვევებზე“, - განაცხადა იოსელიანმა.