საუდის არაბეთში უკრაინისა და აშშ-ის დელეგაციების მოლაპარაკებები დაიწყო.

აღნიშნულის შესახებ უკრაინის თავდაცვის მინისტრმა, რუსტემ უმეროვმა სოციალურ ქსელში დაწერა.

„დავიწყეთ ერ-რიადში ამერიკულ გუნდთან შეხვედრა. ჩვენ ვასრულებთ უკრაინის პრეზიდენტის ამოცანას, რათა მოვაახლოვოთ სამართლიანი მშვიდობა და გავაძლიეროთ უსაფრთხოება. დღის წესრიგი მოიცავს წინადადებებს ენერგეტიკული ობიექტებისა და კრიტიკული ინფრასტრუქტურის დასაცავად. დღეს ვიმუშავებთ რიგ რთულ ტექნიკურ საკითხებზე. ჩვენს დელეგაციაში არიან ენერგეტიკის ექსპერტები, ასევე სამხედრო წარმომადგენლები“, – წერს უმეროვი.