სატარიფო და სავაჭრო ომები ძირს უთხრის ყველა ქვეყნის ლეგიტიმურ უფლებებსა და ინტერესებს, – ამის შესახებ ჩინეთის პრეზიდენტმა, სი ძინპინმა აზერბაიჯანის პრეზიდენტთან, ილჰამ ალიევთან შეხვედრისას განაცხადა.

სი ძინპინის თქმით, სატარიფო და სავაჭრო ომები აზიანებს მრავალმხრივ სავაჭრო სისტემას და გავლენას ახდენს მსოფლიო ეკონომიკურ წესრიგზე.

ცნობისთვის, ჩინეთის პრეზიდენტმა, სი ძინპინმა პეკინში მოლაპარაკებები გამართა აზერბაიჯანის პრეზიდენტთან, ილჰამ ალიევთან. ჩინეთმა და აზერბაიჯანმა ყოვლისმომცველი სტრატეგიული პარტნიორობის გაძლიერების ფარგლებში დაახლოებით 20 დოკუმენტს მოაწერეს ხელი, რომლებიც მოიცავს ისეთ სფეროებს, როგორიცაა სამართლებრივი საკითხები, მწვანე განვითარება, ციფრული ეკონომიკა და სხვა. ილჰამ ალიევი ჩინეთში ორდღიანი სახელმწიფო ვიზიტით იმყოფება.