დეპუტატის თქმით, საქართველოში ჰიბრიდული ომი მიმდინარეობს. მან ყველას მოუწოდა, რომ „არ გახდნენ ამ ომის ჯარისკაცები“.

„მიმდინარეობს ჰიბრიდული ცივი ომი. ეს ისტორიას დარჩება, რომ ჰიბრიდული ომი საქართველოში მიმდინარეობს უკრაინაში რუსეთის მიერ წარმოებული ომის პარალელურად. მე ყველას ვთხოვ, მათ შორის ოპოზიციას, ოპოზიციის იმ ნაწილს, რომელიც აყოლილია ნაცმოძრაობას, ნაცმოძრაობის ტელევიზიას, რომ ნუ გახდებით ჰიბრიდული ომის ჯარისკაცები. საქართველოში ჩვეულებრივი ომია, ჰიბრიდული ომი, ცივი ომი. ამ ომის ჯარისკაცები არ უნდა გახდეთ და ეს იქნება საქართველოსთვის გაკეთებული საქმე, თუ ამას შეძლებთ“, - განაცხადა მდინარაძემ.